是次聚會，公開的正式名稱為「第10次日遊聚會」，但大家又知唔知一眾幕後人員，已就今次聚會定下另一個主題名稱呢？就係「愛卸膊」，由來是參考正在舉行的「愛世博」。既然都係「博/膊」，點都要有隻吉祥物先得o既！於是由歷屆大會的設計師andy創出「10仔」一隻，同時設計出三款精品，統稱「日遊三寶」。由於製作繁複，於是在2005年6月15日再次啟動山寨廠，由廠長andy帶領民工阿roy、franky、小妹、勞大少、貓骨及大雄開廠。另有travelpooh到場，但擾攘一輪又無買糖水上黎，所以交由大家判定佢屬於有無幫手。

至於製作過程，由於部份廠長認為工序困難，已自行處理，以下係6月15日晚上的情況，請看圖識字：

同日，勞大少遠赴Priceline取得由旅遊大使Roy促成的贊助，精美旅行袋10個。最後由無所是事的travelpooh負責先拎回家才帶到聚會。

「日遊三寶」簡介

「日遊三寶」係包括左"好掛住佢"行李牌、"迷上你"迷你原子筆及"動不動"動感記事簿，並採用環保包裝，即廢棄相簿膠套作包裝。

至於"迷上你"原子筆無須作講解，所以先講下"動不動"動感記事簿，佢內裡就係記事簿，但封面就有日本地圖和三個小格，每次轉動轉盤，3小格分別顯示出顏色、羅馬字及漢字的縣名(有數字在旁)，再對一對個colour同埋數字就會好快知道個地方係邊喇。

而"好掛住佢"行李牌呢，除了以今次聚會"10"為背景的花式外，另有三張共六個不同花式的底紙。更換底紙的方法如下：(1)先解開條鍊；(2)從膠套抽出底紙和10仔，再選取自己歡喜的底紙，將10仔穿過已cut好的坑位，再摺起10他放由膠套，穿回條鍊就變穿完成喇！

參加者名牌

是次名牌的製作亦由另一位官方designer abby負責，今次主題以世博+登機證的idea作成。到達聚會地點後，再臨時拉伕，由早到的幾位朋友自動波幫手放入膠證件掛牌內，同時再放入「日遊之最相片」投選表。每張名牌都有參加者的名稱，正宗全港獨家。