06.10.2003(月) / 陰天有雨

第二天

在酒店的餐廳食完早餐後 ，就走到梅田一帶逛逛。由於事前沒有任何旅行計劃，於是乎在車站繞個圈睇下有咩單張、書仔合用。順道去了旭屋買返本京阪神地區的旅遊書。行過綠色窗口，順道換埋個JR Pass，再行下梅田車站相連的地下街如阪神Witty Town咁。

中午時分乘上環狀線至大阪城公園站，早上已經有雨落，估不到中午都仲落，唯有雨中漫步大阪城。由於我倆都在之前分別到過大阪城，於是繞個圈逛逛，影下相，不出1小時就從櫻門離開。這時雨又大左，於是行到去地下鐵谷町四町目乘地鐵至心齋橋。

到達心齋橋，先去了金龍食左叉燒拉麵，下午遊了心齋橋、千日前、惠比壽橋、美國村、難波City，再折回心齋橋。途中有拉車仔的燒番薯賣，100yen一本(本係漢字，即係一碌)，雖則係普通黃心，唔係紫心，但都好食喎！最後行到本町，番薯又食完，就乘地鐵回梅田。唔知食咩好，最後入了阪急百貨的超市，買左蒲燒鰻魚、弁當和橙汁返酒店開餐，之後休息下，睇下電視又一晚囉！

在行到難波一帶時，剛好在一d地區活動消息的書仔見到有個難波Parks即將開幕，地點大約在難波City旁，於是去開就去見識下，點知...10月7號才開幕，10月7號，咪 即係聽日？！白行一趟添！

早餐：於酒店內

午餐：千日前金龍拉麵(@700yen)

小吃：心齋橋筋燒番薯(每個100yen)

晚餐：梅阪阪急百貨超市外賣(便當+蒲燒鰻魚)

大阪第一酒店2606室 (第二夜)

環狀線 - 路線圖中央紅色線是為環狀線

大阪城公園 / 大阪城

心齋橋

金龍拉麵

難波Parks

梅田阪急百貨