08.10.2003(水) / 天陰

第四天

已經在大阪第四天，package的住宿已經住哂。checkout前先落樓食埋個早餐，10:00退房 。第二站將會去京都，於是乎拎住行李行去車站，坐JR京都線至京都站(乘車料@540yen)，唔使半個鐘就到喇！

黎到京都站，先去左綠色窗口訂左12號夜車Akatsuki，打算去九州，或者會去豪斯登堡玩一日。訂好票，選擇先搵個locker存放行李，在京都車站，locker數目充足，又有明確的指示，好快就搵到locker放行李。今次用左個中型的locker，入左400yen就攪掂。

放好行李，可以自由行喇，途中先經過火之鳥時計，夠鐘會發光表演，雖則睇唔哂全程，但就咁睇都好靚。如是者，行到去伊勢丹的土產小路，之後再上行至最高點的大空廣場 。然後又行埋另一邊的東廣場，仲有手塚治虫World Studio Shop。先前已去過手塚治虫紀念館，於是選擇了唔入World Studio Shop，只在出面買多點紀念品。這一邊的確比紀念館果個小小的賣店多點款式。

剛買了張小飛俠明信片，寫點內容，就去京都中央郵便局寄返香港(郵便料金@70yen)。

離開郵便局，繼續前行，沿鐵道旁就會去到梅小路公園 。不出半個鐘，穿過梅小路公園後就會到達梅小路蒸氣機關車館。在未到達時，已經聽到氣笛聲，原來有架SL Suchimu號在行李，不過是在倒車行走，首先出現係坐在一架開放式蓬頂的客車，一大班小朋友，應該係幼稚園生，見到鐵道旁有兩條友仔係度行，一時間"konnichiwa"叫黎叫至，當然人家小朋友都咁客氣，我都回返幾句喇，"konnichiwa呀喂"！

到達梅小路蒸氣機關車館 ，付過入場費(@400yen)，就入內參觀，四圍影下相，差不多行左成個鐘先離開。回程再經過梅小路公園，環境不錯，旁邊仲有幾幢apartment，狀似香港d公屋，不過有咁環境，香港就唔見喇！

之後戇居居咁行左去五條，迷迷地路添，大近視！一個鐘後，再次返回京都車站逛Porta站前地下街，跟住取行李，就坐個地鐵前往在四條鳥丸的東橫Inn。因為到酒店都四點幾，行左半日，checkin訓返個晏覺先！

一訓就訓到19:00，出去食飯先。由於在四條烏丸，好方便，出酒店門外轉左，直行不遠約10幾分鐘就到達新京極。行個圈，先食飯先，今晚選了食回轉壽司，不過味道麻麻。食飽行個圈新京極同河源町，再去一下便利店買零食就返酒店。

早餐：於酒店內

午餐：便利店零食

晚餐：新京極迴轉壽司Kurukuru壽司

京都四條烏丸東橫Inn 427室
(第一夜)(宿泊料@8,925yen)

京都四條烏丸東橫Inn

京都車站伊勢丹百貨

梅小路蒸氣機關車館

新京極