29/06/2002

　(星期六)

今天又是悶熱的一天!

今早七時半有人按門鈴，原來是阿婆，這位阿婆定期會到我們家來取舊報紙去變賣，不過，今天特別早呢，莫非她今天有緊要野做？唔通佢要睇波？

今天返學由三點返到六點半，上到六點鐘既時候，我已經感到好疲倦呢∼

放學急忙趕回家樓下既茶餐廳看世界盃，入到去未坐定細妹已經告訴我土耳其已經入左一球．．．哦，我都係遲左兩三分鐘ｏ者，咁快就入左既∼　最後都係土耳其贏左南韓3:2呢∼

為左搬屋已經感到很頭痛，我地用開既網絡供應商話新屋既o個度暫時未有佢地既網絡，聽左真係震驚，我從來都無諗過會出現呢個問題，我地重簽左約添．．．

28/06/2002

　(星期五)

已經放了五天假期了，五天都是悶熱的天氣，真的很希望下場雨，減低熱氣呢∼

昨天早上，與媽咪、兩個姨媽及姨丈去了佛堂拜祖先，姨媽們買了很多食物、生果；佛堂內空氣不太流通，真的焗得人差點沒氣抖，幸好昨天不是特別時節，因為逢特別時節，佛堂一定有人滿之患，再加上香燭的煙燻，一定會焗得令人頭暈呢。

醫院管理局昨日通過十月會減人工，什麼高層們會自動減薪8%，他們用這方法，壓迫我們下面，要我們不多聲，因為他們已經作出好大的讓步，所以我們要跟隨呢！而家政府那方面都未通過減薪，但我們偉大的高層就斷然帶頭減薪，真的豈有此理！嚴重打擊我們的士氣！

很緊張，七月中考完試之後，我們舉家會會搬去新屋，籌備多時，終於可以住新屋了∼　

26/06/2002

　(星期三)

巴西對土耳其，終於巴西勝利，不過我覺得土耳其都打得唔錯，應該土耳其會贏南韓呢　^^

今日發覺有人ｏ係留言板搗亂，希望大家保持這裡清潔吧，我都唔明白點解要留埋一ｄ污言穢語，幫幫忙吧∼

25/06/2002

　(星期二)

放大假既第二天，很舒服呢，少了工作的壓力，不過，仍然要溫書，努力∼

昨天仍然要回醫院上堂，順便到宿舍整理一下衣櫃，因為我們宿舍大裝修，昨天工友把我們的東西搬去臨時宿舍，我們於數天前已把東西執好放在紙皮箱內，所以昨天我要把箱內的東西放回柜中呢∼∼

今天溫書溫到晚上六點，便準備看南韓對德國，落街買晚飯，回來便睇波，南韓打得唔錯，德國就有些強差人意，不過始終德國都勝利1:0，南韓其實都已經很好，能夠打入四強，看見賽後那些南韓球迷依然好有體育精神，真的值得一讚呢∼

23/06/2002

　(星期日)

放大假啦，我真係要好好享受假期既日子呢^^

南韓入左世界杯四強，昨天ｏ係一個商場內見到人頭湧湧睇世界杯，當有入球的機會時，全場大叫歡呼，真的很感受到ｏ個份緊張呢∼

買了一本室內雜誌，書中有很多不同的家居裝修及設計，而最令我興奮的事，我竟然發現一位與我有同樣興趣的人，她收集了龜龜廿多年，擁有二千多隻龜龜，比我多很多倍呢，還有，她將她的龜龜擺放整間屋企，如放在玻璃桌下，像display一般，真的令我很興奮！將來我也希望我的龜龜能夠擺放出來呢∼

22/06/2002

　(星期六)

19/06/2002

　(星期三)

昨夜開夜，在新病房開夜，感覺很不同，復康病房的病人病情比較穩定，所以病房氣氛都特別舒服，昨夜真的很平靜呢∼

今日陪好友去試新娘衫，當然我也有試伴娘裙呢，我們很興奮的試，最終都能試到合心意的裙啦^^　我的朋友找了一間有一條龍服務的公司，我覺得比較方便，價錢一萬八千元包晒所有服務，如影結婚相：有四套衫，其中一套係特色衫，又有一本紫水晶相簿，又包結婚當天既婚紗、兩套晚禮服、裙卦、男士禮服、伴娘衫，還有，包租車、化妝、影相、做DVD，真的不錯，不用浪費時間再去找其他舖頭，真的值得推介∼

16/06/2002

　(星期日)

近日天氣很悶熱，今早下一場大雨都好，起碼趕走悶氣∼

今日終於也完成功課，可以專心溫書，大家比ｄ鼓勵我啦^^

今晚睇阿甘正傳，今次再睇番仍然覺得好正，我覺得除左Life is Beautiful之外，最好睇既戲阿甘正傳一定係首選，你地有無睇呀？

15/06/2002

　(星期六)

端午節快樂，大家有無去睇龍舟賽呀？我上年都有去，上年落得好大雨，今年我要返工，無得去睇lu∼

去左新既病房已經一個星期，大概都叫做適應左，不過都係好表面呢，我會努力架啦，遲ｄ更加明白病房運作就可以掌握得更好！重有要同其他同事夾下，因為始終都係唔係咁熟呢∼

已經訂下日子到新屋拜神，七月中就可以搬到新屋呢，好緊張呀，我們差不多每天都有去新屋，可能比較接近而家住既屋企吧，我們還每天都搬一些東西上去呢，好興奮呀∼

09/06/2002

　(星期日)

開開心心地過左生日了，又大一歲了，生日沒有特別節目，很生活化的為新居購置喜歡的色物及其他有用的東西，但我覺得很開心，很充實∼^^

星期四(6/6/2002)與同事去了釣墨魚，一行十幾人，不過今次大家的收獲不算多，有些釣了半句鐘已經放棄，有些釣足全程也釣不到，而我就釣到四條墨魚，比起以前，又真係少了很多了，相信乞年墨魚數量少了很多呢∼　^^

明天是我去一間新病房的日子，今次被調到復康病房，其實在我去此醫院時最希望到的病房便是復康病房，但一等便四年幾，現在這麼突然又話比我去，我心情很複雜呢，可能興現在的同事相處得十分融洽吧，不知去到新環境怎樣呢，不過，我會努力呢^^

突然收到學校的通知，要我們提前一個幾星期交功課，真的豈有此理，為何會這麼亂呢！！我要更加加培努力！

01/06/2002

　(星期六)

轉眼間又過了一個月，二千零二年已經過左一半呀∼∼

好開心，舊留言板已經恢復使用，原來是設計者身體不適，再加上他把一些資料攪錯，所以出現之前的問題，現在，他已經把問題解決了∼

在生日之前可以用回喜歡的留言板，令我感到很幸運，我好開心呀∼

還有，在此多謝各位到來祝賀我生日的朋友們，多謝你們呀∼

另外，我在早個星期已經收到一朋友的生日禮物，多謝你呀∼∼　我真的很喜歡此禮物，及很感激你對我這麼好，及你的心意呢∼∼

明天又是星期天，大家又有什麼節目呢？