舊日的足跡...
二千零五年一月
|
日期
|
心情，事件
|
| 30/01/05 (星期日) |
今天行陣街就返屋企執下屋，然後就做我一直好想整既朱古力慕絲蛋糕，由五點幾準備，整到六點幾先整到個蛋糕底，但心裡都好開心，都幾似樣；跟住大雄就整冷麵比我食，再加埋之前飲剩既湯，我整埋豆腐蒸帶子，咁就一餐啦，真係唔錯！之後，我就繼續整我既慕絲朱古力啦，點知打極都打唔起ｄ慕絲．．．究竟錯左ｏ係邊呢？攪左個幾鐘都打唔起．．．唯有放棄吧．．但我又唔甘心，所以我依然將朱古力慕絲水（應該係漿先至ｏ岩），放入雪櫃，希望有奇蹟呢！究竟世上有無奇蹟呢！請問有無高手話我知，應該點樣整呢？！ 跟住大雄等我整完失敗之作後（其實佢都有嘗試幫我，但都幫唔到），佢就開始整佢既年糕，而家重蒸緊，希望佢成功吧！ |
| 29/01/05 （星期六） |
 天氣開始轉冷了，大家記得要帶多件衫！而家覺得天氣真的變了很多，而家先係一月，但係已經好似回南天咁，濕濕淋咁，真係麻煩，洗完ｄ衫要等幾日先乾；有幾位同事住將軍澳，佢地話已經有抽濕機，每日都抽一大桶水，真係嚇死∼先幾日睇電視知道九龍灣廣場有龜龜擺設，所以今日我地就決定去睇睇，一定要同龜龜影下相！原來ｏ個度除左有龜龜，重有魚，重叫人拋ｄ錢入條魚既口，話有乜願望都會實現喎，而香港人實在好鍾意意頭呢樣野，都唔知幾多大人細路拋錢入條魚口呢！好有氣氛架！而，龜龜ｏ個度就無咁多人，但係ｄ人一見到龜龜擺設，都會話〔長壽龜〕，跟住就會走去摸下龜龜，希望龜龜可以帶比佢地長壽、福氣呢！當然，我都有摸龜龜呢！ 就黎新年呢，唔知大家準備成點呢？今年第一年派利是，真係有少少緊張架∼∼哈哈∼ |
| 23/01/05 (星期日) |
做了一星期mentor，除了安排其他同事講書事宜外，我也要做一些特別的技巧給學生們。昨天，我示範了懷愐治療的技巧，我選擇了四位病人，其中兩位是證實了老人痴呆症，而另外一位是比較多野講的，希望她可以令其他病人會有多些反應，開始是要自我介紹，然後就同她們做一些熱身運動，今次我選擇了做拋球運動，除了可以活動下手之外，我還要她們叫出對方的名字，希望可以刺激一下它們的腦部功能；跟住就做懷愐治療，今次題目是〔嫁娶〕，我們準備了一些關於嫁娶的道具，慢慢引導她們回憶她們嫁娶的事宜，有些病人說時，口角還泛出微笑呢！最後，講到結婚有否化妝時，原來有位病人比較貪靚，說到不如替她化妝，她很高興地說〔好〕，那麼我的學員便一起同她化起妝來，我覺得很好笑，真的不知道是病人開心還是學員開心呢！最後，我提醒學員要再告訴病人現時真實地點、時間等，因為我們不想她們太懷愐以前的事呢！整個治療反應也算不錯，亦希望學員可以真正明白懷愐治療既用處及做法。其實我都是學書當中，但，我真的很喜歡研究這方面的治療呢！ 昨天，與大雄去辦年貨，我們順道行花墟，今次見到有鬱金香便買下來，因為上次我們去北海道四周都見到鬱金香，一早已經很想買鬱金香回家了，不過那時不是時候，所以今次見到有得賣鬱金香，便高高興興地買回來！圖中的鬱金香是有十個花蕾，售價五十元，不算太貴吧！今天，它們已經正在開花，比昨天更加美麗呢！希望它們能夠靚久一些吧！ |
| 19/01/05 (星期三) |
 九天沒有寫事記，究竟貓骨忙乜呢？繼大雄要研究砵仔糕外，我也開始學整cookie呢！整左兩次，都算成功，我重將整個過程影左相，或者我遲ｄ學整多ｄ唔同既糕點時，可以將相片公開呢∼∼上星期，同事帶埋仔仔上我地屋企睇下裝修，因為佢正在搵裝修師傅，所以上黎睇下幫我地裝修既師傅手工！佢地個仔仔得幾個月，佢地專登帶佢上黎坐下我既新龜龜大cushion，仔仔坐上去真係好可愛，好威風架！ 今個星期開始，我們黎左四位讀老年學護理既同學黎我們病房實習，要我負責做mentor，為左協助佢地，我們已經安排兩天既書比佢地聽，要我既責任就睇下佢地有無野要幫，帶佢地睇下我們病房有乜野特別野，當然，要協助佢地完成份功課呢！遲ｄ重有兩批學生，我呢個哎呀mentor要做到三月呢！ |
| 10/01/05 (星期一) |
終於完成八堂的瑜伽了！雖然是基本班，但也知道了一些注意點，例如：怎樣呼吸調節、拉筋等等，大家同學們都很用心去跟導師學做一些難度比較高的動作，當能完成一些比較難度高的動作時，心裡真的很高興！我對瑜伽有著濃厚的興趣，所以一早已經問了導師會否繼續開班，相信新年後我便可以繼續學了！ 近日大雄醉心研究學習做砵仔糕，我們為了買材料，今晚去了油麻地等地去買需要的澄麵粉等，買完後就很心急的回家做，不過今次都不成功，相信是水的份量控制得不夠好，及糖份落少了，但失敗我們都不會放棄，終有一日會成功的！當成功後，一定會給大家嘗試下呢！ |
| 08/01/05 (星期六) |
一連三天放假，我變了大懶蟲，但，卻有充足的睡眠呢！昨天下午，我回醫院考試；晚上與大雄去了看〔功夫〕，大家輕輕鬆鬆過了一個晚上呢！今天，大雄的朋友約了我們去行婚紗節，因為他二月初便會結婚，他認為我們結婚不久，應該可以給予意見，當然我們不負所望，將我們所知的都告訴了他，當然少不了替他安排了結婚當天的行程吧！他也在婚紗節訂了當天的花球，算不錯！ 說到結婚，我覺得我們那時真的籌備得不錯，因為我們搜集了很多資料，例如checklist、rundown、注意點及儀式等等，我們真的很用心做這場婚禮呢！唔知參加過我們婚禮的朋友們同意否呢？我希望將我們搜集到的資料及一些注意點記下，遲些可以在網頁與你們分享呢！ |
| 03/01/05 (星期一) |
放假後的第一個工作天，今天看新聞報導知道有些學校已經發現有幾位同學及老師沒有上學，可能是受海嘯影響；我諗而家學校現在可以做到的是照顧一下現在的學生及老師的情緒。有一學校決定不與學生討論此次災難，我不知道這是不是應該做的事，但，我自己覺得應該同他們討論，不要以為他們只是個小孩，什麼都不懂；亦沒有可能令他們不會知道此事，報紙上有報導，電視收音機有報導，即使你們不給他們看報紙或電視，同學間也會有人說。如果這時不給他們適當的指導，可能最後他們會更加害怕，可能會影響他的成長呢！ 你們有否坐而起行呢？為受影響的災民捐出一些金錢，希望可以幫助他們渡過難關！捐錢好簡單，只要去到附近的銀行，他們便可以幫到你們的。 好了，說另外一些事情吧！今年1月1 日明報報紙登了我被訪問的報導，內容是私人珍藏－龜中密友，可能有些朋友睇唔到當天既訪問，如果有興趣既話，就click入貓骨訪問篇 (1) (2) 睇下呢！當日我好傻，我send了很多SMS給朋友，唔知又有幾多朋友真係有買到明報睇呢？！ 這訪問一出，令我好驚訝，因為多了很多人次來看我的網頁，真的令我好興奮！1月1日總人數為467人次，成為我這幾年最多人次看我網頁的一日，實在值得慶祝！希望大家繼續支持我吧！另外，我亦收到一位十一歲小朋友Gigi的電郵，她知道我喜歡龜龜後，親手畫了龜龜畫給我，實在很可愛，我已經放在主頁版面，希望大家可以去看一看吧！ |
| 01/01/2005 (星期六) |
 新年快樂！又一年啦，大家有無立下目標呢！總之，希望來年唔好再有咁多唔好既野吧，受到海嘯及地震影響既災民，希望可以快到得到救援！ 昨天是朋友Kathy & Henry既大婚日子，在此恭祝他們百年好合，永結同心！見到Kathy終於完成婚禮，我都好替她開心，因為呢幾個月，佢為左攪呢個婚禮都好大壓力呢！ｏ係呢度我都好想同Kathy講聲，佢地既婚禮攪得好順利呀！
真係新年新事物，上兩星期，我已經告訴大家有某報紙話要訪問我，今日終於登左出黎啦！ｏ係明報副刊－周末閒情之私人珍藏內，今日就登左我篇訪問啦！題目為〔龜中密友〕，唔知有幾多人有睇到呢段訪問呢？其實今日下午我都send左好幾個SMS比朋友，希望佢地都會買黎睇．．．當然，日後有新發現，就買黎送比我呢或者話我知都得！！而2004年尾，大雄又送左隻好大好可愛既龜龜，有興趣就去睇下呢！ |
我們成班朋友，去完