最近一位好友的婆婆入了院，今天她致電給我，原來婆婆情況雖算穩定，但已不能像以前般行動自如，精神狀況不如以前，醫生更加叫佢地屋企人要快ｄ搵老人院；朋友家人不太接受，認為寧願婆婆在醫院，不想她出院。我明白朋友家人的感受，因為事出突然，但，我盡量作解釋及回答朋友之問題，在我來說，去老人院不是不孝，如果他們找一間比較好的老人院，總好過留在醫院呢！當然，去作一個選擇要考慮很多問題，我也盡量給了意見，但最終都要她們作一次家庭會議，大家不能逃避事實呢！希望我的朋友能夠為婆婆做一個好些的決定吧！

現在我都會很珍惜每次與朋友相聚的日子，因為，我覺得而家很難可以約齊一大班朋友出來，好像昨晚，本身想約一大班朋友，但最後，只出了一半人呢！有些要上班，有些又去了外遊，大家各有各忙，究竟，香港人幾時可以停下來呢？我覺得答案是不可以的，像我般，這幾月我覺得很悶，時常想找些野學或去上下堂，唔知係唔係天氣問題，總是覺得提不起勁呢！或者係時間想找些新意思攪攪呢！

年初五

結婚後第一次過新年，準備的事挺多呢，例如要大掃除、買賀年禮物、換新銀紙、買糖果、包利是及約家人往親戚拜年等等；大雄更加自己整年糕，整了一個給我家，也準備了一個給他家，令大家都有意外驚喜呢！重有，今年我地又行了兩次年宵，買了一些花準備在家中插呢！

總係覺得今年新年氣氛比往年濃厚了很多，唔知係唔係今年真係市道好左，所以香港人更加開心地過新年，好多人都穿上新的衣服去過年呢！記得小既時間，我地最鍾意過年，可以周圍去親戚處逗利是，又可以同ｄ表哥表姐玩，真係好開心架；但係，而家親戚關係比以前疏了很多，而家要去拜年的親戚比以前少了。我總覺得到了我們這一代，一定不能像上一代，那麼多心病，他們太斤斤計較，不像一家人呢！

今個月頭，我們去了同事之女Jess既生日會，而家ｄ細路真係幸福，三歲生日大人便會緊張的準備生日會，回想以前，根本沒有生日會這回事，生日最多有紅雞蛋，不過時代唔同了！年初三我與大雄去了大澳，我都幾鍾意大澳，不過那天又真係太多人了，要走的時間，我們等了差不多五十分鐘才上到巴士，但，新年的氣氛頗濃呢！可惜的是，我們吃不到山水豆腐花，可能真的人太多，已經售罄呢！

明天係情人節，祝大家情人節快樂，未有情人既，快ｄ搵到合心水既情人吧！