30/08/2001 14:25

　(星期四）

呵呵∼∼一日寫兩次日記添！

今早去左中大上ｄ電腦既Orientation class，都幾有用呀！好緊張下星期要返學喇！雖然係讀part time，但都好開心架！

我有個大肚朋友近來唔係咁舒服，今早叫左我媽咪同佢睇中醫，希望佢快ｄ好返，如果唔係都會影響個ｂｂ架！唔好咁緊張呀！！

唔．．．今日東ｘ日報有介紹尼泊爾呀，去睇下喇！

我去睇journal喇∼∼　努力努力！

30/08/2001 00:43

　(星期四）

剛看電影[人工智能]，唔知呢度有無人睇過呢套戲呢？我不會在此說劇情，我只是想說感受吧了！如果，有一天真的能製造出與人差不多的機械人，我想都是相當可怕；試想有一天，機械人也能與人一樣有感情．．．有官能感覺．．．那麼，人是不是會消失呢？我唔知道，亦不能作答．．．

戲入面機械的感情，比人還真摰，那麼人便變得很膚淺了．．．或者係因為人會猜度吧？！

我真的是個眼淺的人，我又哭了，不知道看過此戲的人，有多少人與我一樣也哭了，你能與分享你的感受嗎？

29/08/2001

　(星期三）

今日又係我返學既日子喇，好開心呀！

下午去左灣仔既聖雅各福群會做visit ，我唸好多香港人都會知呢個組織，因為都有五十年歷史，聖雅各福群會提供好多持續照顧服務，如院護照顧服務、家居照顧服務、社區支援服務、健康服務及出版松柏之聲老人月刊等等，服務還有好多，不能盡錄。

我覺得老人家到了一個年齡，他們會自我形象低左，或者會感到寂寞，或會感到自己無用無助等等．．．其實，有了這些老人服務，擴大老人家的社區網絡，增加他們的自信心呢！

其實，我們已經很努力為老人做一ｄ野，希望政府也會支持多些做老人服務的組織吧！

28/08/2001

　(星期二）

今天返工有d野唔開心，但我唔可以ｏ係度講．．．工作上敏感既事又點可以ｏ係度講呢，咁多人睇．．．呵呵∼∼

真係好開心，每次開我既網頁時，都會有留言，係我以前從未試過架，真係好多謝一ｄ近排常去我的網頁既人呀！如Sylvia、Yen、Karen、Wahwa、小j、阿地同埋小白呀！多謝你地呀！希望你地多ｄ黎，帶多ｄ朋友黎，多ｄ人傾，開心好多呀！　：＞

27/08/2001

　(星期一）

放工返黎，休息左一陣，而家無咁倦lu，可恨呢排腰骨痛，都係職業病了。其實，我很少腰骨痛，不知今次為何會這麼痛，搽了很多止痛藥膏，我已感覺到那些藥膏慢慢滲透入我的體內，但．．．還是不能減輕我的痛楚呢！　：＜

今天個留言板又唔係太穩定喇．．．你地又要入幾多次先入到呀？

自從二月有了這個日記後，我真係覺得同大家有了更多的聯繫，特別有時你地會回應我o係呢度寫既野，如果，大家有留意既話，我近來比較多寫醫院發生既事，不知道你們喜不喜歡知多ｄ醫院的事呢？

26/08/2001

　(星期日）

終於開完夜了，昨夜也經歷多一次病人死亡喇，逝世者是公公八十多歲，與他的太太同住一間老人院，但，公公去世時，婆婆因沒能力來見公公最後一面，只可在另一邊哭，及囑咐我替他將近逝世的公公說幾句話：你放心去吧．．．等等的說話；說後，只見公公面容比之前安詳，是我的心理作用，還是真的呢？我告訴婆婆，公公去得安詳，叫她也放心，她只懂說〔多謝你姑娘．．〕我叮囑老人院職員要好好觀察婆婆．．．這便是我昨夜做過其中的事了．．．

我想整理我的網頁資料很久了，終於今天提起精神去做一個全新的〔網頁資料庫〕，概念其實是源於大雄那邊的小資料，首先多謝大雄給我抄襲（呵呵∼∼）！有了這資料庫，我便可以比較清楚知道自己的網頁的成長速度，大家也能知道多些我網頁的歷史及統計資料呢！

25/08/2001

　(星期六）

近來多了網友來我的網頁，很開心呀，還同網友互相交換link添，我為了想我的網友的link可早日在我的網頁出現，即使我要開夜，也利用少少睡眠時間來加link呢，大家有興趣去看看喇！

我要睡覺了！ｏｚｚｚｚｚｚｚＺＺＺＺＺＺＺ

24/08/2001

01:30

　(星期五）

昨天是休假，天氣太熱，下午沒有外出，但即使在家中也渾身都是汗喇！我在家中做網頁，大家有看的話，也應該知道我已經做了尼泊爾之旅第八天了，還有六天呢！

昨晚去了灣仔吃日本菜，朋友送了龜擺設給我，呵呵，我又多幾隻龜龜喇，有興趣的話，去我的收藏品看一下吧！

希望今天天氣不會太炎熱吧！

22/08/2001

　(星期三）

今天上堂，一些好有經驗的專科護士講書，我真係覺得佢地好叻，佢地好知道自己做什麼，好有專業知識，好多好寶貴的經驗同我地分享，我覺得今次能夠讀這課程，真的學到很多知識，亦知道多些其他醫院的事物，雖然辛苦些，也是值得的！努力！

今晚與中學同學食飯，噢，終於見到我地這群人的第一個BB了！是個男的，乳名叫〔臭豬〕！好得意呀！他眼大大，頭髮多多呢！好友同學呀，你大個女呢，做左人地媽咪，唔該好好照顧佢喇，不過見到你咁有心機照顧佢，我地都好開心呀！：＞

20/08/2001

　(星期一）

又是一個忙碌的日子，近來真的多了人入院呀！希望遲ｄ會好ｄ，唔好咁多人病喇！

今晚十一時十分，無線電視介紹尼泊爾的食物，好開心的看，一邊看一邊打電話給與我一起去尼泊爾的朋友，一邊說研究我們有否錯過了一些好味的食物；我發覺節目介紹的食物，我們在尼泊爾都沒機會遇見過，可能他們比較有機會深入了解吧！我們有嘗試過尼泊爾咖哩套餐，其他大部份都沒有嘗試呢！

個節目只有半小時，不知道下星期會不會再做類似的節目呢？有沒有朋友看到此節目呀？

18/08/2001

　(星期六）

又係一個好忙的下午．．．

有位病人得了末期癌症，他的女兒也是很小，大概十幾廿歲吧，她們不大接受，當她們看見自己父親有些少動作，她們便很擔心及緊張，其實，她們也見了醫生，也明白正在發生什麼事．．．

當她們再次要我們去看她們爸爸時，我覺得她們根本不大明白，於是我再次解釋給她們知！她們哭，我握著她們的手，她們攬著我．．．那一刻我覺得作為醫護人員既我地，有沒有想一下病人及家人要的是什麼？

她們的爸爸今天逝世了，她們很激動，但也很感謝我們對她們的關心，我不是要求回報，我只希望她們面對著爸爸的死亡時，他們不會怪責自己，她們會知道有什麼事情發生．．．

我不知道其他人怎樣想，不過，我覺得自己做得對！　：＞

14/08/2001

　(星期二）

連續放了兩天假期，因為天氣太熱的關係，我沒有做些特別的事，只是去了吃自助午餐，然後便留在家中，做黏土作品和做網頁呢，但，我覺得很舒服，真的希望可以放多幾天假期呢！

提起做網頁，我今天做多一天尼泊爾之旅，已經是第六天了；也把我今天完成的作品post上來．．．希望大家會喜歡，給我多些意見吧！

我覺得有了自己的網頁，真的認識多了朋友，有些是喜歡做網頁，有些喜歡攝影呢！

11/08/2001

　(星期六）

近來生活比較忙，比較充實，可能因為我又開始讀書．．．我已經沒有讀正式既堂一年了，只是讀些興趣班，起初真的有些不習慣，但現在已適應左喇，而且也覺得好開心呢！

有留意我網的朋友都會知道我又ｌｉｎｋ多左一個網頁，係呀，佢都係網上識既，大家有時間都去下佢地的網頁呢！佢地係阿地同小白呀！

哈哈，下星期放兩日假呀！唸唸都開心呀！

明天是星期日，你地又點樣渡過呀？希望大家都會玩得開心呢！　：＞

07/08/2001

　(星期二）

都好多日無寫日記，近來比較忙呀！比較多功課呀，自問唔係一個叻人，又比較懶散，所以都唔係做得咁快呀！嗚嗚∼∼連寫日記都懶埋喇！

最近，我時常收到一些含有電腦病毒的電郵呀！大家要小心d呀！其實，報紙已有報導，但，我真係收到太頻密，所以特別提醒大家呀！如果，你一開個mail，你看見以下的字句，你便不用想了，趕快delete這mail呀！

字句：Hi! How are you?

I send you this file in order to have your advice

See you later. Thanks

還有，一定有個attachment架！你會發現個file名好奇怪，千萬不要開呀！通常個file名後面多左pif或者ink又或者com又或者bat呀！大家小心ｄ呀！

我今日收左起碼有十個喇．．．

還有，大家記得封鎖個寄件者呀．．．如果係你個朋友，你就真係要話比佢知喇！

03/08/2001

　(星期五）

轉眼間又星期五了，大家明天需不需要上班呀？現在是不是很少不用星期六上班的工作呢？對我而言，我根本沒有什麼週末的概念，有時也很羨慕別人有定期的假期呢！（當然，不用在週末與別人逼，也是件樂事呢！）

昨夜又是上電子商貿的堂，我們又要傾功課，大家想呀想，終於決定project做網上photo album，其實，我沒有用過此服務，但我也有幾位朋友用過，其實也很方便；我相信如果此服務只限於香港，不能有太大的發展，一定要擴展中國的市場，因為香港的地方太小了，要用此服務的人不會太多．．．　你們又有什麼意見呢？我們仍然為此題目而準備呢！　：＞

很開心，近來多了朋友上我的網，也讚我的網頁有進步，令我更加雄心壯志，要做得更加好！大家要比多ｄ意見我呀！謝謝！我會努力！我要再做尼泊爾之旅了！：＞

還有，多謝朋友喜歡我post出黎既相呢！

01/08/2001

　(星期三）

00:30

好忙呀，有網友話我成一個星期無寫日記同update喇，係，我真係無呀！我今次一定要寫多d，重改埋個底tim，唔知你地又鍾唔鍾意呢？　：＞

做左負離子後，效果都係一般，但我已經覺得比以前好好多，但我的同事話我浪費了金錢，其實可能我返工要扎辮子，便影響了個效果吧！（甘我唔可以話無用呀嘛...哈哈）

上星期上堂，有好多野做，又要group project，現在逢星期三都要返全日，要開會tim...我地今次個project想做老人憂鬱症，同事們有資料記得比我喇！　:>

星期天，我與朋友去了大澳同大嶼山影相，又去了灣仔會展附近影夜景，我們二人用數碼相機，大家都唔係甘識，不過都影得好得開心tim！重post左d相去新聞組同人分享，好好玩呀！等我又post d相o係度先！

比d意見呀！　^^