31/10/2001

　(星期三）

呵呵∼∼考完試啦∼∼呵呵∼∼

考完試之後，大家全班三十六人一齊去左新世紀飲茶，真係好開心，不過，我見到有ｄ同學仔為左考得唔好咁好而無胃口，真係唔係咁開心，希望同學們唔係為考試讀書加咁多壓力比自己，大家都盡左力嘛∼

今日萬聖節，大家有無去玩呀？今日我行開兆萬，我見到一班玩cosplayer既女子呀∼∼又唔知扮緊邊個呢∼∼

好喇，大家開開心心呀∼∼

30/10/2001

　(星期二）

明天是考試的日子了∼∼昨夜，喉嚨開始痛，今早起床發現多了痰呢，所以我去了看醫生，看了藥比較安心，因為，我要應付明天的考試嘛∼∼

昨日，我收到我用的ISP的來信，原來，佢地申請清盤，要倒閉了∼∼我要考慮轉其他的ISP呢∼∼

大家努力呀∼∼

25/10/2001

　(星期四）

今天係重陽節，你們要唔要登高呀？我便不用了∼∼

因為下星期要考試，我計劃呢個星期要溫書，但暫時個進度不是太好呀∼∼睇住有電話簿咁厚既Files，我個心都沉著一半呀∼∼努力努力∼∼大家要支持我呀∼

今日睇新聞，見〔自由黨〕話減薪，自動比番政府五十六萬，我覺得佢地別具用心，根本呢個時候，唔應該帶頭減薪，遲ｄｏ個ｄ私人機構又會減，令到我地生活又苦ｄ∼∼而家香港真係一池死水∼∼點算∼∼

我ｏ係度唸，ｏ係呢個咁既時勢，政府又做唔到嘜∼∼起碼適當咁〔開倉派米〕，解下而家香港人既苦況都好，唔使等到ｄ香港人跳樓自殺咁慘∼

講真，我都覺得自己算幸運，身邊既朋友都好好彩，反而係有ｄ重係好細個，升唔到學，又搵唔到工ｏ個ｄ重麻煩∼∼究竟有嘜人可以幫到佢地呢？

21/10/2001

　(星期日）

呢幾日頻頻見朋友們，真係好開心呀∼∼

中學同學o係加拿大返左黎，大家好開心約左出黎見面，計計下都很多年沒見了，難得她回來，大家見面時也不免講番中學時代既笑話~大家都成長了不少呢！

昨夜，約了也是在中學時代認識既暑期工朋友仔，我們一起去了其中一位朋友家中燒烤，一玩也玩到零晨兩時許，真的很興奮！其實今次出來的目的是，有一朋友仔要結婚，出來派帖給我們，當然，我們很替他們高興，我們看著他們拍拖，一等也等了十年，他們終於拉埋天窗呢∼

真係要講句：我好替你高興呀∼∼冼及大頭，祝你白頭到老，永結同心~~　

今晚，我也是約了舊同事兼理工同學出來，呵呵∼∼又係結婚呀∼　Wendy & Joe，祝你們天長地久，愛是一世一生∼

還有，見到Daisy都懷孕五個月啦，好緊張吧？！放鬆自己，去迎接新生命~

17/10/2001

　(星期三）

而家係零晨一點廿二分，我嘗試整師傅既九寨溝之旅呀，整左好少∼∼

要訓覺呀∼

16/10/2001

　(星期二）

今天下午幫醫局在可樂廠做義工，我們目的是想替可樂廠的員工量血壓，身高，體重，從而知道體重指標(Body Mass Index)，正常為大概18-23；還有，我們要替員工量度腰圍臀圍的比例，也為他們量度血糖及膽固醇度數呢！

大概有四十多員工參加，他們也很想知道自己是否正常，有些是超出標準，我們再向他們解釋，及比意見，但實際上，他們的生活都很不正常，我意思是他們食無定時，有時又要很夜才收工，一日做多過十個鐘頭，基本上，無可能有時間做運動∼我們唯有在飲食方面下些功夫，希望他們要明白健康的重要性呢！

我覺得基層照顧很重要，如比些資訊給市民，因為，只有做到預防工作，才可以真正幫到市民，可惜，香港人太繁忙，根本也照顧不到自己的健康，有些甚至不理自己的健康，有病又不去看醫生，這一切一切，都是有待去改變∼∼

講真，我這兩天不是太開心，希望明天會開心些吧∼

15/10/2001

　(星期一）

又開夜∼昨夜都算過得平靜，沒有緊急事發生呢！

今日終於收到師傅既九寨溝照片，好正，有成廿幾MB，真係好大size呀，我而家要唸下點樣放上網，得大家睇得開心又舒服呀∼∼你地又有無嘜野意見呀？

14/10/2001

　(星期日）

好疲倦呀∼而家係零晨四十七分喇∼

尋晚去左睇〔晚孃〕，我對此片有很大的期望呢∼但，看罷後卻有些失望∼∼我尋找不到主題，可能是自己的問題吧∼我只是覺得全片入面ｄ人好似個個都係圍繞著性愛，沒有其他事做！我朋友話佢地無其他第二ｄ野做喎∼∼

今日上堂，講開糖尿病，我最記得既野就係，男人腰圍大過90cm同埋女人大過80cm就有大ｄ機會有糖尿病架，大家真係要注意下喎∼∼咁，大家緊係要注意自己飲食，有無做下運動等等喇∼∼

09/10/2001

　(星期二）

美國終於開戰，近日新聞都是報導這世界大事，看得我心情都不是太好呢！

近來多放假，因為醫院要補回之前未放的假期，所以多了時間可以去上堂做黏土，很快我便會有作品給大家看了，很緊張呀！

今天又上堂，我還買了兩本關於黏土的書，其實，在香港比較難買DECO的黏土書，所以同學們見到關於自己學的項目，也會買回去呢！我買的都是關於輕型土的，當然是我上次在上堂時遇見的日本導師－宮井和子著作的呢！她的作品真捧呢！

06/10/2001

　(星期六）

呵呵∼∼終於有六千人次喇∼∼

今日返學，講Health Economic，其實真係一件幾複雜既事情，究竟香港點先可以有個完善既醫療制度呢？

05/10/2001

　(星期五）

死喇，無覆一日留言就比人話懶惰喇∼∼Sylvia呀，我去左玩呀，我唔係懶呀∼∼呵呵∼∼

放左兩日假，我去左銀礦灣及貝澳玩呀∼∼好開心！點知尋日入到銀礦灣落大雨，都有ｄ掃興架∼∼等我又post相比大家睇下喇∼∼

銀礦灣：

貝澳：

明天又要返工及返學啦∼∼

03/10/2001

　(星期三）

今日係presentation既日子，不過心情沒有多大緊張，我地已經盡左力架啦，都唔可以迫自己太多啦∼∼

尋晚我有位朋友去左大坑影舞火龍，等我借佢一些相放ｏ係度，比大家欣賞下，我下年一定要去睇下先得∼∼你地又去過睇未呀？

今晚，我與朋友去了看〔絕世好Bra〕，這套戲給人一種好輕鬆的感覺，很Fresh，是意料之外，值得一看∼∼劉青雲好戲大家都公認，但梁詠琪及古天樂的演技也進步很多，很自然呢∼∼當然，劉嘉玲的身型真的很完美，很靚呀∼∼　：＞

02/10/2001

　(星期二）

今天是Chris及Kimmy的大喜日子，有很多同事都有去他們的喜酒，大家都很替新郎新娘高興呢∼∼看，圖中是他們的喜帖及今天給親友之小禮物，是一隻小蜜蜂，寫上不同的字句，我的字句是〔開開心心〕呢∼∼

Chris and Kimmy，祝你們百年好合，永結同心∼∼

今天是假期的最後一天了，明天你們又要上班吧？大家努力呀！明天我也要努力，因為是我上堂present的大日子呢∼∼

01/10/2001

　(星期一）

一連幾日假，大家會去邊度玩呢？我就無得玩，要返工，重要開夜添，不過，我都好開心架∼∼總之，做人開開心心啦∼

你地玩完之後，希望記得黎呢度坐坐喇∼