昨晚開夜班，今早七時放工，心想應該可以第一時間買到今天才開始售賣的地鐵Doraemon紀念車票吧！怎料，今早七時廿分到達黃大仙地鐵站時，已經售罄，真的估不到！幸好，去到家附近的地鐵給我買到呢！很是興奮！但，到下午三時許也已經售罄了！果真厲害！

雖然今早八時許才睡覺，今天下午兩時半已經起床，因為今天我要去遮打花園看看那中西區區節，為什麼我要去那區節呢？因為早前我從報章知道今次區節會放很多懷舊的東西，所以我決定要去一去，看看有什麼特別，希望可以得到一些靈感，將來做program時或許會有些用。不過，我有些失望，因為今次區節放出來的懷舊野其實很少，不算特別！

晚上，約了朋友們去探BB，朋友阿冼於上月十日生了BB，係男仔黎架，七磅幾，但出生時肺炎，入左深切治療部，前排又因為輕磅再入院，實在令人擔心，幸好，今晚探既BB長肉很多，很得意呢！在此，祝大頭阿冼BB身體健康！

大家計劃下年一起去旅行，暫未確定地點，可能會是希臘，也可能是返中國，我本身沒所謂，如果是返中國旅行，我好想去西安，睇兵馬俑呢！不過，遲少少再決定都可以，因為我地都係打算下年十月才去，說真，認識了十多年，我們都未試過一起去旅行，心情很是興奮呢！

首先在此恭喜Dora初為人母！做左媽媽後，整個生活會唔同晒架啦，唔可以再好似以前咁自由，但，你為左BB一定會願意，亦會得到很大的滿足感。雖然我無經驗，但身邊既有小朋友既朋友、同事都係有咁既說法，咁，ｏ係度祝你好好做個媽媽吧！

今天第一次上Yoga堂，感覺不錯，亦改變了之前既觀念。原來瑜伽唔單只係要身體柔軟，重講求呼吸同埋力度，每一個動作都要用力，怪不得之前朋友學瑜伽會瘦。上完堂後，整個人都覺得很舒服及放鬆，本身右肩既痛楚都減輕左少少呢！

我自己覺得今次聚會禮物鎖匙扣實在精緻，很美，遲些大雄出聚會情況時就會見到了！

中學同學由加拿大回港，已經幾年沒見，又是我們相聚既時候呢！每次聚首，肯定又會回懷往事，緬懷一番吧！偶然有這種聚會實在係人生的樂事呢！希望下星期相見時，大家又可以傾得愉快吧！

大雄第九次聚會今個星期日舉行，暫時已經有五十人參加了，實在太令人振奮！真係要多謝一班一直幫大雄手既網友，自己就乜都無做過，學大雄話，我少找他麻煩已經算幫忙呢！哈哈！咁，當然，我都會煮下飯煲下湯比佢嘆呢！希望今次順順利利呢！

還有八天便到大雄第九次聚會既時間，唔知道大家報名未呢？其實，我個人認為即使你不是時常去日本旅行，也可以參加，因為這次一次難得的機會，大家坐在一起分享大家的經驗，當中好多日遊高手給你很多有用資料呢！大家快ｄ去參加呢！記得到大雄聚會的網頁，睇詳情呢！！

姊姊及妹妹前幾天從台灣回港，今次是她們學校舉行一些交流活動，還是我姊姊做統籌，聽聞做得不錯。看過她們的照片，她們大多都參觀台灣當地的學校，而其中一所學校令我印象比較深刻，便是那裡每一位學生（小學生）都由校方給予一人一部手提電腦，而學校已舖了無線上網，學生在校園可以無時無刻上網的；而他們上課時也是從網上download一些筆記，同學們download後便可以一起與老師討論課題，實在不錯。雖然我未曾參觀過台灣的學校，也不清楚當地的教學制度，但，他們比較肯放資源在教育上，不像我們香港，只會改制，其實只為了錢！希望做教育的人，真的用心為下一代出分力吧！