舊日的足跡...
二千零四年十二月
|
日期
|
心情，事件
|
| 30/12/2004 (星期四) | 相信大家呢幾日既焦點都會ｏ係海嘯呢件disaster入面，我真係覺得世事無常，好多人都係懷著興奮既心情去旅行，點知幾秒之間就可以變成災難，真係難以相信！而家好多人重受緊苦，即使大難不死既人，心理上都會有好大既陰影；有些就擔心失蹤既人；有些就無左家人．．．ｏ係呢件事，令我更加覺得要珍惜生命，同埋要開開心心咁生活，唔可以諗得太多，亦唔會要求咁多，知足常樂係好緊要！大家要珍惜你既生命，愛你身邊既人！ |
| 25/12/2004 (星期六) |
  Merry
Christmas to
everybody！除左要講聖誕節快樂，緊係要同我母親大人講句生日快樂啦！為了一家人黎我們新居打邊爐，我同大雄便搭巴士去街市買材料（因為我家附近是沒有街市的），我們二人開心地選擇材料，當然又係買左好多啦，一定食唔晒添！而細妹的男友便負責買生日蛋糕，他買的生日蛋糕實在很ｏ岩母親大人的心意，實在要加分呢！
|
| 23/12/2004 (星期四) |
上星期四我還在此處介紹風信子，那時的風信子還未開晒花，點知相隔一星期，其中一盆風信子已經謝了，原來風信子開花既時間咁短，真係可惜，相信我不會再買了，我希望種一些長久些的植物呢！ 昨天我接受了某報紙的訪問，主題當然係講收藏品－龜龜啦，估唔到鍾意龜龜都會上報呢！那位記者上到我家，見到咁多龜龜都覺得好驚訝，其實我自己覺得未夠多，因為我大多數都是飾品，如果可以有多些家庭用品會更加好啦！唔知大家有無緣見到此訪問啦∼
重有兩日就聖誕節，唔知大家有乜野節目呢？！可惜就係今年聖誕節唔係太寒冷，感覺上就少了一點點氣氛，當然少ｄ冷，那些露宿街頭既人及一些老人家又唔使捱冷呢！咁都算是上天一點禮物吧！ 今年聖誕節如往年一樣，就會同我母親大人慶祝生日，但今年我們唔會外出食飯，會留ｏ係家中一齊歡度聖誕及她的生日，而今次係ｏ係我屋企，相信到時大家一定可以玩得開心，食得開心，媽咪就甜到心中吧！預祝大家Merry Christmas！ |
| 16/12/2004 (星期四) |
  上星期買了兩盆風信子，一盆是紫色，另外一盆是粉紅色。在網上找一找關於風信子的資料，原來風信子既別名為〔五彩水仙〕、〔洋水仙〕等，而顏色種類不只五種的，有紅、白、黃、橙、紫、藍色、粉紅色、桃紅色等，實在很多選擇，而開花期為十二月至翌年四月，不過，唔講唔知，原來風信子係有毒既，鱗莖毒性最強，如果真係誤食左，就會引起胃部不適或抽筋，重會上吐下潟添，果然靚既野都係要小心d添，哈哈！風信子都幾容易打理，賣花既人教我們三日淋一次花，果然，好快就長出花來，風信子既花好香，隨風飄散，令人有舒暢既感覺呢！ |
| 11/12/2004 (星期六) |
今天是大雄朋友Nelson結婚既大喜日子，他們於天主教堂舉行簡單及莊嚴既婚禮，亦會在本月十五日擺喜酒，在此祝福Nelson及Gloria白頭到老，永結同心！ 講起天主教，我由小學至中學都在天主教既學校讀書，所以今天去到天主教堂覺得好有感覺，再加上神父既祝福及大家既歌頌時，實在令我想起很多中小學時代既事，那時，大家都會聚在一起唱歌，亦會在教堂入面唱歌，像今天，很神聖呢！ 下午，大雄與我去了工展會，今次係我第一次去，感覺頗新鮮，雖然有點像年宵（因為在維多利亞公園內舉行吧！），但，我們依然行得高興，還買了一些東西呢！挺不錯！還見到肥媽（已經不肥了，很瘦啊！）及家燕姐，居然有明星睇添！勁！重有重有，工展會小姐都見到兩位，不過，好似相中人正d喎，哈哈！ |
| 10/12/2004 (星期五) |
之前有某組織跨國既〔學生基礎能力國際評估計劃〕研究指出香港學生數學全球第一，而語文閱讀能力跌落第十，有專家指出香港圖書館不足及可借書既數量太少，我不知道這是不是香港學生語文閱讀能力跌落既原因，我只知道閱讀是要培養的。家長應該由小朋友開始培養他們，例如可以陪他們一起閱讀，一起討論書中內容，不要只口見小朋友閱讀，而自己卻埋首自己工作或睇電視上網的。現在有小朋友壓力很大，不再是天生天養，還有很多事要去想和顧及的，教小朋友真的是一本學問。
有睇大雄的話既話呢，相信大家都知道我朋友茄露送左五部任天堂既遊戲機，呢五部機，其中三部係我朋友既珍藏，另外係佢老公既珍藏，我朋友有次上黎我屋企，見到大雄收埋咁多舊野，所以咪轉贈比大雄囉，今次大雄真係開心啦，居然無啦啦多左五部經典遊戲機，真係有錢都買唔到呀！正！ Happy Birthday to my best friend - Alice! |
| 07/12/2004 (星期二) |
很快便到2005年了，而今年真的特別多喜事，繼有朋友結婚（當然還有自己），重有好多朋友、同事都做了爸爸媽媽，真是喜事一埋埋！雖然還有廿多天便到2005年，但，年尾我還有一朋友結婚，當天如無意外我都會做姊妹呢！在此，我先預祝Kathy及阿濤百年好合、永結同心！ 此外，最新消息，一網友Vicky剛榮登媽媽，真的要說聲恭喜！還有，同事Chris及Kimmy同公婆終於可以收樓了，雖然要先付一筆頗貴的厘印費等費用，但日後見到間大屋就自然開心晒呢！ 今天是抽下年大假既日子（註：我們醫院是每年年尾抽簽，抽下年全年大假的。），大家都希望可以抽到自己想要的假期日子，而我自己今次算不錯了，雖然抽的簽比較後，但依然可以抽到自己想要的日子，心裡很是高興呢！希望下年可以如期去旅行吧！（暫定日本及希臘） |
| 01/12/2004 (星期三） |
 又過了一個月了，很快便聖誕節，唔知大家會唔會出外旅遊呢？而我，就沒有假期了 ，只好留在香港過聖誕節吧，希望到時不用上班吧！因為今年是第一年ｏ係新屋過聖誕節，我地二人都好用咁去買佈置既野，終於買左四呎聖誕樹及其他特別既飾物，買完回家立刻便開始佈置，而家屋企好有聖誕氣氛，希望今年如往年一樣可以攪party呢，同朋友一齊過聖誕節！前天，我上第三堂瑜珈，學了一些比較難既動作，那些動作運用了很多平時比較少用的肌肉，做的時候，真的感到頗困難，幸好也能完成呢！但，這兩天真的感到肌肉酸軟，希望休息多兩天會好些吧！其實，導師說我們要學習運用那些比較少用的肌肉，當作鍛鍊，另外，做完瑜珈後真的可以令人感到舒服，我指的是心靈舒服，有平靜的感覺。 |
我們首先傾下計同埋睇返我同大雄結婚既片段（因為結婚咁耐我們都無一齊坐低睇過），大家都睇得好投入，好開心添呀！跟住大家就開心地食野啦，食左差不多兩個幾三個鐘，實在食到好飽啦，最後食埋甜品添，真係〔滿載而歸〕！相信今次母親大人能夠過一個開心既生日同埋聖誕節啦！無他既，老人家最緊要就兒女陪下佢，大家都要記得自己屋企既老人家啦！^_^
一連三個星期可以從地鐵換叮噹(多拉
二套都係大雄六點幾起身走去換架，可想而知我地係幾鍾意呢三套野呢！而家就影張相比大家睇下吧！（聽聞網上有人炒呢三套野，唔知值幾多錢呢？！）