  |
札幌站北口東橫Inn 816室(第二夜) 08:45食早餐，又遇上在Kumasan那裡遇上的中大四小花，查實，據知早前關先生亦係呢幾同住札幌北口這間東橫Inn。今日中大四小花就會完成北海道的行程前往東京。而食完早餐後呢，今日行程係小樽。在南小樽下車，很快就到達銀之鐘一帶。先進音樂盒館，這已是近兩次日本遊第三、四個進入的音樂盒館，論大小和裝璜，呢個算係最好，但係心存去年在嵐山砌音樂盒砌得好開心的心態，打算上次造來送禮，今次整返個正野比自己，雖知這一間就最唔掂。雖則這裡的製作室有埋中文說明，但論貨品種類和親和度，好唔掂。在嵐山那間，有熱溶膠槍自己整，音樂盒，以致配件都多很多，尤其係一些小花小草，這裡沒有得賣，只能很"齋"的用混合膠黏幾個公仔上去。嵐山的有店員見先說明如何製作，就離遠睇住有無需要才幫手；這邊就只在櫃枱先付錢前，連音樂盒底座都弄好才交給你，黏過唔多穩的混合膠，據指示請貴客將"大作"交給店員，半小時後回來取件。雖然玩得唔過癮，但都使左4千幾yen呀！在等的時間，過了銀之鐘逛，取件後就到銀之鐘先1號館飲個Tea(請白d就實情係買套杯似d)。外面已下起雨來，之後逛過北一硝子、北果樓等等，越接近運河就越大雨，於是趕快行過運河，進入運河Plaza和工藝館逛。逛完後雖已大雨過後，遠處有點藍天，但小樽運河上面還是烏雲一片，就算再逗留還是一個明渠模樣的運河款。
17:00決定回小樽車站乘車回札幌買手信。稍稍行過JR
Tower和在HMV買CD，就依Jalan所示的札幌站前加籐土產店買手信(手持該本Jalan有5%折扣，而查實書中所示要係舖頭度講句無謂宣傳語句先得，但大家溝通唔多順暢，於是事頭婆示意ok，就掃貨大行動開始)。拎住大袋手信，又選擇先回酒店放低先，差不多20:00才出外晚飯。趁就快收工，先閃了入LOFT逛個圍，出來又再行左個圈都唔知食咩，最後回到APIA
Food Walk食壽司。食飽逛兩逛，再係車站S. Kiosk添多幾盒手信，係Lawson買下零食又返酒店。 |
  |
|
|
早餐：於酒店內 |
|
