 |
|
|
2005年5月14日(土曜日) 天氣：陰天、寒冷 行程：仙台->石越->登米石之森章太郎鄉里館->一之關->仙台青葉祭 住宿：東橫Inn 仙台東口I號館922號房(第三夜) 膳食：
JR Pass消費：5,090yen(以個人計) 仙台->石越@1,280yen (東北本線) 石越->一之關@400yen (東北本線) 一之關->仙台@3,410yen (東北新幹線) 累積：24,680.00/45,100.00(14日JR Pass費用) 的士消費： JR石越站->登米石之森章太郎鄉里館@2,400YEN 住宿消費： 東橫Inn仙台東口1號館 第3晚 本日之印： 石之森章太郎鄉里館x4、JR一之關站x2
特別要提：
特典1： 特典1： 仙台青葉祭宵祭短片： 1 / 2 / 3 / 4 / 5 / 6 p.s. 8段短片共29MB，請先按另存目標，再用Quicktime開啟
|
  |
| 嘆完個東橫無料早餐，就出發去東北本線月台，去一個資料唔多，但有張單張係手的地方，登米市中田町的石之森章太郎鄉里館。乘0901的東北本線，都要成個鐘有多先到達。不過落車後就出事喇！ | |
  |
|
| 根據有限的資料(網上搵過，搵唔到)，去到JR石越站轉宮城交通巴士20分鐘就到，但去到巴士乘車場，咩話？1410先有車，真係唔得佢死！返入車站向便利店的大嬸問路，佢話呢度同登米都算係相鄰的市，但唔近架。考慮過後，去就去喇，坐的士！豪左2400yen，20分鐘左右去到。 | |
  |
|
| 去到發現剛好今日企畫展示室的多拉A夢展有多拉A夢的握手拍照會，1日3場(只限土、日、祝日)。入去比低入場費(@700yen)，先入企畫展示室睇睇，有唔少多拉A夢海報、原稿、電影版的毛公仔(約2呎大果款)，仲有幾個約3呎高的大雄、多拉A夢、靜香等的公仔，好可惜，又係展示室內照相"DAME"。睇完多拉A夢就出黎喇，由於人唔多，都係幾對父母帶住幾個細路去，好快就可以同多拉A夢影相，仲影左兩轉添！ | |
      |
|
| 之後就入去常設展示室，除了石之森的生平，仲有佢在生時得到的獎章、獎狀咁，仲有唔少記念、周年活動的各名漫畫家的簽名版或繪畫的扇，例如籐子不二雄、赤塚不二夫、池上遼一、五十嵐優美子、松本零士、原哲夫等(我剩係記得呢幾個，仲有好多架)。其中原哲夫將北斗之拳的人套入改 造人009的人物，好正！剛好先幾日呢邊的電視節目都剛好有介紹過。除此以外，仲有video、漫畫可以睇。而除了展示室，仲有個影院，有個15分鐘長的短片，講石之森帶兩個仔從東京回到登米的故鄉的故事。參觀完畢，離開後仲可以去館前第四間屋睇下石之森出生時的屋企，裡面有個大嬸做講解。查實呢度如果睇得快的話，個零鐘就夠喇，但我地睇左3個鐘。如果將呢度同石卷萬畫館比較，那一邊的規模較大，呢邊比較細，但呢邊比較多返d幪面超人睇，雖然都係現成的玩具，但陳列得好，所以都唔會悶。 | |
  |
|
| 回程坐返巴士，去到車站本來想先搵野食，但眼見四野無人，於是打算坐車去回程途中的"比較"大站的小牛田。見月台有車，拿拿聲拎個JR Pass入閘上車！咦，一個站後，點解個站係.....唉，上錯車，不過就咁坐到呢度終站一之關睇睇先。原來一之關都係好野黎，一來有東北新幹線搭，個城市又大d。係站旁的食店食個晏仔，就跟觀光案內的地圖去繞個圈當到此一遊。 | |
  |
|
| 去到不遠的磐井川，有油菜花田，雖則係沿川邊兩行，唔算係壯觀，但都ok。之後經過松尾芭蕉同明治天皇係度借宿的記念牌，仲經過舊沼田武家屋敷，就回車站坐東北新幹線返仙台。 | |
  |
|
| 返到仙台，係車站有夏威夷的觀光展，有人唱歌跳草裙舞。睇兩睇去左附近的LOFT逛下公司。睇到6點幾7點，出發去勺當台公園一帶，有仙台青葉祭的宵祭。今晚有藝能祭和流動跳舞活動，仲有屋台。先睇睇藝能祭，又係跳夏威夷舞o既？似乎另一邊吸引d，於是去左定禪寺通一帶睇流動跳舞。呢度係係大街的南北兩旁，由幾十組團體係度邊行邊跳舞，仲係有比賽的。一路睇到佢散場，其間仲有個洋人參加，剛好行到面前傾左幾句，仲比我問佢佢地邊跳舞邊叫緊咩呢，原來係"SORE"，意思係keep'on dancing咁解呢！ | |
      |
|
|
睇完祭典，大滿足，就去左附近的杜之市，即係屋台掃街式食晚餐，食完就打道回府喇！ |
|
|
預告：仙台青葉祭本祭及市內觀光
本日速報係由大雄於東橫Inn仙台東口92x號房寫成 |
|
早餐/
午餐/
晚餐/
係石之森章太郎鄉里館入面見到有張剪報係2003年3月26日的台灣中國時報，咦，杏子都黎過喎！於是臨走膽粗粗用九唔搭八的日文問下受付處的姐姐可唔可以比我影下唔比影相的地方，做個網上介紹。最衰佢地識英文果個又剛好唔係度，而同我講野的兩個又我有我講我o既日文，佢有佢講佢地o既，加上又剛好第二次的多拉A夢握手會要開始，於是一記十字死光，咁我算喇，死心吧喇！不過受付處的姐姐就咁比左兩個記念館的幪面超人章我喎！正係無間廠都有返粒糖，好喇，算佢喇！