 |
|
|
2005年5月17日(火曜日) 天氣：晴 行程：盛岡->臨時增遊鶯宿溫泉->小岩井農場->盛岡->八戶->本八戶->盛岡 住宿：東橫Inn 盛岡站前1413號房(第二夜) 膳食：
晚餐/本八戶屋台橫丁兼田燒鳥專門店 - 雞翼、雞串、軟骨等等 = 2,900yen
JR Pass消費：7,180yen(以個人計) 盛岡->八戶@3,410yen (東北新幹線) 八戶->本八戶@180yen (八戶線) 本八戶->八戶@180yen (八戶線) 八戶->盛岡@3,410yen (東北新幹線) 累積：41,130.00/45,100.00(14日JR Pass費用) 巴士消費： 岩手縣交通盛岡店 - 鶯宿溫泉 (@930yen x2) 岩手縣交通小岩井農場 - 盛岡站 (@510yen x2) 住宿消費： 東橫Inn盛岡站前 第2晚 本日之印： 小岩井農場 x4、本八戶站 x 1、八戶 x2
|
  |
| 都算係風和日麗囉，係酒店房外望盛岡站，都幾好天氣！晏起身唔食東橫的早餐，改為出外食。係盛岡站鄰接的地下食街買了三文治和飲品係度食埋先返上去巴士站上巴士去目的地小岩井農場。 | |
  |
|
| 食飽後懵懵下，去到車站才10:37分，見巴士站有車到，睇睇個頭牌，"o岩！網張溫泉行"，上車。但點解前面兩個阿婆上車都問司機野o既？巴士開行，坐坐下，咦，點解轉左唔轉右o既？保持冷靜！繫溫泉？終點鶯宿溫泉？面懵懵花左50分鐘坐到總站，原來坐錯車！日本巴士都同鐵道一樣，唔會早到遲到，10:45的車，係唔會係10:37到達的。但點都到終點喇，比足930yen一位的車資，再面懵懵問阿司機大佬，請問，我想去呢度(指住張小岩井單張)。司機大佬一臉無奈，之後就話"沙必樹"(service，無料的意思)車返我地去繫溫泉，因為1210果邊有車去小岩井。當佢同我地九唔搭八一輪期間，司機大佬要去換車頭個路線牌，啊！原來佢錯，佢掛錯牌，我上錯車就因為....跟住司機大佬又講左一輪，就通知我地開車喇，期間比左420yen的誤投金額券42張(10yen一張)，係盛岡去小岩井與盛岡去鶯宿的車資差額，仲有幾張地圖同時刻表咁。架車開開下，唔對路喎！唔係去返原路去繫溫泉o既？路面限制時速50，佢開70喎！再睇睇下，小岩井農場方向？最後呢，就係兩人包車由鶯宿專車到小岩井，認真係"度cool別豬沙必樹"喇！司機大佬因為攪錯路牌，於是雖則時間上花多左成個鐘，但今次就體驗左一次無人試過的包車經歷喇！司機大佬，你真好人o者！ | |
  |
|
| 去到小岩井，比左每位500yen的入場費，嘩，入面好多人下，不過好天氣，後面襯埋個仲有d雪的岩手山，正！草地旁邊亦有唔少花種左，呢度係鬱金香，好靚。四處參觀，睇埋時間，去睇牧羊狗同羊咩表演先。去到見到隻幾聽話，不過d羊就難攪d，叫隻狗趕佢地去過橋，攪左好多次先得。睇完隔個欄的表演，4位朋友可以入去欄內試餵小羊，睇見d小羊好似飄零燕入面果d，好cutie呀！之後可以入草地山坡，親手餵羊，同埋摸下d羊。咦，比佢黏到我手板，陣間一定要洗手、洗手、洗手... | |
  |
|
| 睇完羊，就去馬舍度睇一睇。啊？果邊有箭射，300yen10枝，幾過癮！轉頭又夠鐘去睇乳牛表演。乳牛好大隻呀！比人係咁"渣"，由工作人員示範完後，就到參加者可以親手"渣"一"渣"，嘩，咁多人排哂隊o既？好在我無排o者，"渣渣"下，突然見到隻牛牛係度尿尿喎，好似山洪暴發，如果當時我去玩埋一份，情況就..... | |
  |
|
| 大致上表演係呢兩樣，所以之後就行左去天文館，果邊較靜。由工作人員控制，轉動個大望遠鏡，從倒影入面睇太陽黑子，雖則講解上佢有佢明，我有我果知少少，都好勁呀，因為轉個望遠鏡同個圓型外殼時，好似去左光子力研究所！係天文館出面有一排椅，可以躺係度，個方位無咩樹阻到，可以好清楚望岩手山，relax！跟住出返遊玩廣場繞個圈，睇下花花，就去買d野食當晏仔。食完趁未夠鐘上巴士，去賣店買下野先走人。係呢度現左成4個幾鐘！返到盛岡，如計劃進行，呢程車係去八戶。 | |
  |
|
| 去八戶唔係去黎頭玩，係專程去本八戶的屋台橫丁睇睇兼食個晚飯。差不多一個鐘頭車，去到本八戶，再行十分鐘到就到達屋台橫丁。巡左個圈，卒之選定食燒鳥，一來佢無人係度，二來聞到燒野味都幾想食。其他的屋台就分別有幾個客係度，而且同屋台老闆/老闆娘邊食邊傾，而座位只得6-7個一間，所以人少少算喇。食左大半個鐘，"大滿足"走人。於是坐返八戶線從本八戶站回程八戶，坐最後一班南行東北新幹線回盛岡。 | |
|
預告：青森、弘前 本日速報係由大雄於青森Hotel New青森20x號房內用無線Lan接續寫成 |
|
早餐/
午餐/
