|
|
|
|
大雄的話 |
|
|
香港的黃金年代
剛收到貓骨的好友茄露送贈的幾部任天堂的經典咭片遊戲機，感激萬分！相片最右的雙畫面機是Gold Cliff (自己未見過，所以不知當年的中文稱呼為何)，前面的是Octopus(不是八達通，當年叫做八爪魚)，橙色的是經典的Donkey Kong，前面的是Manhole(即是過橋抽板)，它的左面是Lion(獅子出籠)，最右三部是自家收藏，見到有五部新成員加入時立即找出來的曝一曝光，包括雙畫面的滴油、21點和已壞了的高空擲物。 記得自家收藏亦曾經擁有過橋抽板、獅子出籠、八爪魚和降落傘，還應該有一部是跳樓(是控制救生床 將跳樓的人彈去另一面的救傷車)，可惜已不知放在何處，或許已不知所蹤了。能得到茄露的相贈，我一定會好好珍惜，多謝哂！(找到個收藏者的網頁，大家不妨睇睇自己有幾多部是曾經擁有又或玩過下？)
說到咭片遊戲機，那是經濟越來越好的80年代
產物，動畫、漫畫、日本偶像、日劇等等，香港的青少年人，從那年代起到今日，交通方便，去日本走一趟實是易事一宗，這一代人算是二戰 說些開心時，上星期六又去了探另一個新生的baby，她是貓骨的同事Dora囡囡日怡，同場仲有就黎出世的baby、3個月大至快3歲大的幾個小朋友，好熱鬧。 另外，12月7日凌晨，dawndawn家的小主人亦順利生產，歡迎來到花花世界，謹祝初為人父母的sam哥和vicky有個活潑好動的囝囝。 仲有仲有，今個星期六(11號)是為同nelson大喜之日，祝佢永結同心，白頭偕老。 好耐未試過的早餐後即踩做到晚上八點的日子突然又再重臨，所以原定拿拿聲完成的2003年之旅的遊記番外篇和後記，與及重建首頁的工作唯有延後至在晴朗的一天再開工喇！
大雄 |
|
|
旺季
上星期五參加了一個盛大的婚宴，在港島香格里拉酒店延開了40多席的Vicky和Herbert的婚宴，真的是官蓋雲集，席中有高院大法官、司法常務官、資深大律師、大律師、多間律師行的資深律師合伙人等等，因為當晚的主人翁兩位，一位是律師，一位是大律師，而女家的爸爸，本身亦是律師行的合伙人，所以40多席，只是敬酒一巡，已是半小時。席中非常欣賞一段播出當日新人在早上接新娘時的情節和在教堂註冊的片段，那一段片，看得嘆為觀止，很有廣告片和電影風格，但又是實況的片段(雖知部份是在預計下拍的)，有機會的話實在想問主人家借來多看一遍。在此祝一對新人白頭偕老，前途無限。 在今年雙春潤月的好年年底，相信好多朋友都收到不少紅色炸彈，聽說有些還是連續幾天都要去飲，如此請飲旺季，我都仲有兩單要去飲，好忙！ 除了去飲外，縰觀近日旅遊界除了那些旅行社推出好多形形式式的冬日行程，航空公司的優惠套餐，仲有不少的旅遊展覽，仲有聚會、講座、周刊雜誌報紙的特集主題等等。其中比較多介紹的，梗係有你我都喜愛去旅行的日本。 早兩星期剛完成了第九次的日遊聚會，忙了一輪，聚會總算在眾友好協助下完滿結束。到上星期六，有幸以參加者身份，不用操勞，不用想節目，不用費心安排，參加了Travelnet方面的網友攪的第三次聚會。由於性質不同，這個聚會的靚相與話題，不只局限於日本，而包括了全世界，南美、歐洲，以至國內的旅行靚相，多不勝數。7小時的聚會，依樣係就算曲終，還是覺得時間不夠。有得唔使攪，可以好好享受參與，仲有邊度有呢d聚會，不妨話過我知。 而大家亦唔使驚，我唔會只顧玩樂，第十次聚會必定會攪，仲定必攪多點新意思給大家，至於幾時，睇過通勝邊日好日再話過你知。
大雄 |
|
|
黃昏的現在式
日遊聚會已經結束了一星期，在過去一星期，除了弄了聚會花絮都無更新網頁，反而身邊一班友好就積極地發展「網業」。在此祝賀charles的「親子樂遊遊」及小妹的「談天說地」兩個討論區開張大吉，仲有就係grace的網頁重出江湖。黎緊27號會參加另一旅遊網站的聚會，終於有次唔係主持聚會而係去玩囉！哈！ 完成了日遊聚會，無甚大事，小事就有多宗。
11月21日除了係我細妹生日外，仲係結婚半週年紀念。早幾日已經同細妹食左生日蛋糕，今日就下午去左中西區區節睇下野。去到無甚特別，最正就係近距離聽左一首半Joe
Junior唱的英文哥，正！
晚上去了探新生的baby，暫名"家俊"、又或"嘉駿"諸如此類，總之係呢個音，而最終取那個家那個俊字就未定。呢位已經係今年內第N個去探的新生baby，真係記名都記唔掂！(baby手上捧住幾封大利是，估計超過4位數字架！有錢B呀！) 眼見各網站都推陳出新，呢度都將會有少許的版面改動，將新增兩個項目，包括「日遊百人眾」將延續昔日的「日遊人間」；另「醉人景緻」將延續「日遊社區會堂」的靚相展示。詳情日內公佈。 差d唔記得講返今次個標題，何解稱為現在式？而家政府睇錢唔睇景，將來仲有咁闊o既維港黃昏景影到的話，真係港人之福囉！
大雄 |
|
|
思古悠情
由於分別看過兩個不同風格，但歷史是同出一徹的故事，於是決定走到書店搵返本比較忠於歷史的文字書看看。走了很多間旺角的樓上書店，最後還是落在地面的馬健記才能找到幾本台灣方面出版，封面設計比較"年紀大"的書，但由於興趣很濃，於是幾十蚊即付即拎返屋企睇。誰知，好日唔搵，隔了一天在美孚的一間書店剛好有一系列5本關於戰國時代名人的書，除了信長，還有豐臣秀吉、德川家康、武田信玄和伊達政宗。 其實過去幾次到日本，除了看看城市，亦到過幾個古城參觀，名古屋城、姬路城、二條城、大阪城、廣島城、五稜郭(從前是個城堡啊！)，雖然很多都因年代久遠，或近代的戰禍只餘下城郭，但經過修復後，又再次巍峨於小山之上。而其中最愛的還是又名白鷺城的姬路城。而剛在追看的信長，在他「天下布武」期間最宏偉的安土城現在已經不存在，只剩下一個城跡，否則下一個到日本旅遊的計劃，一定要包括它在內！ 轉一下話題，2003年的遊記在一個月間完成了9日的行程，還差3日和一些特別的內容，希望快將它完成，然後寫2004年的蜜月之旅遊記。 而最近，幾位網友與我亦在為第九次日遊聚會在張羅，例如準備記念品、收集禮物贊助、收集參加名單、籌劃當日的節目與流程、與餐廳相討訂金餐單等事宜，一個聚會的籌備絕不簡單馬虎的，所以好期望各位的湧躍參予，共同分享又一次的愉快又難忘的日遊聚會。 未參加的朋友，快聯絡我喇，過幾日就要同餐廳確實人數架喇！
大雄 |
|
|
閒情
幾個月前曾經和大家講過新居種了一棵薰衣草和一棵鈴蘭，事隔數月，又講一下佢地d近況先。 先說說鈴蘭，因趕得及在它的花季栽種，6月就已經開了兩株花，大家也看過了，而家花已成了乾花正在保存中。而葉就枯了一部份，亦不太覺得再有任何成長。不過都決定換個新盆，加多點新的花泥，比d好營養，期待佢來年5、6月可以再次開花。 而薰衣草呢，早前亦說過好似溫室豆苗咁，又幼又卷起，看起來一點也不像薰衣草，不過有兩株生得比較粗壯，拉直一看，已長到有十吋高，而且用手接觸完那些葉，就有好濃的薰衣草香味呢！好，換埋個新盆比佢，快高長大喇！ 而在日本城買花盆的同時，順手買了個套裝的植物，係含羞草，但種子只得七粒，希望幾粒都可以發芽出來吧！而這三盆東西，正放在廚房的窗台上一起成長。 而在過去的12天期間，除了攪了點聚會的事情，還看了兩本書，一本是『翹首振翅-香港機師手記』(經濟日報出版/第八版)和『不一樣的天空』(沈祖堯/又係經濟日報出版)。兩本書也很有"看頭"。一本是少有關於香港機師和航空事業的書，仲要係香港人機師用中文寫成；而另一本係去年沙士一役的沈教授寫的關於過去一年在沙士下的人和事。兩本書都推介一看，但近日逛書店無咩心水書，你地又有咩好野推介下我呢？ 預定的第九次日遊聚會將於約兩星期後舉行，幾位友好已經著手辦事中，而我亦每日更新聚會的詳情，準備出題給第四屆日遊問答比賽用，還有思考更多節目給參加者。今日已經有20人報名出席，你有興趣的話，快報名吧！已經攪到第九次，好唔好玩唔使多解劃喇！而今次的場地最大可容納約100人，所以唔使怕無位架！
大雄 |
|
|
睇嬴
『末代皇弟溥傑傳』(賈英華/尖端出版)，是因早前看了日劇而看。很厚的一本書，500幾頁，都睇了不少時間，不過了解多點早已忘了的近代中國史，值得一睇。 『我和閱讀談戀愛』(新井一二三/大田出版)，新井曾在香港住過，用中文寫作的日本人，這本已經是她第9本的中文著作。最初的幾本多寫個人經歷，香港加拿大的獨居生活、母女兩的關係，近幾本都是寫日本文學作家的事和讀後感，雖則好多日本作家都不認識，但作為認識日本文學的話，算是個基礎的接觸。(ps. 幾時到知子寫返本中文書？) 『想做的事就去做！』(大前研一/先覺出版)，大前是個策略專家，在外國讀書、工作，寫了很多著作、又四處演講。這本書不是講甚麼企業理論、策略，而是大前的個人經驗談，幾輕鬆有趣，又有點啟蒙性。 『遇見愛情之場所 - 日本偶像劇景點全攻略』(偶像劇地圖計畫/商周出版)，很久以前都有買過一些講日劇場景的書，剛好買這本書時又無咩想睇的書，於是買來看，但唔知點解，又話日劇，但書中有講幾個香港電影的場地，唔係講係日本拍果d，係純正香港果d，例如2046大導演當年重慶森林果d景點，激死！ 『名牌傳奇之50創富攻略』(文化會社)，睇完之前一本日劇場地書，又係無心水書睇，但呢本講50個企業的經歷，又幾吸引喎，各有不同，有起有落，學下野先！ 『愛是不能埋 - 謝婉雯』(馬靄媛/迎欣出版)，一年前沙士過世的香港女兒，一年後有作者為她寫了本傳記，不是為了歌頌她成了香港女兒，但以點滴道出了她的一生，幾感人的一個傳記。 『松下幸之助傳』(郭泰/遠流)，松下電器的創辦人，即係而家大家用的Panasonic、National等等電器的創始人，睇完佢個傳記，真欽佩這位無學識，但不斷從學習、改良而發跡的日本經營之神。 『信長』(池上遼一/玉皇朝)，最近愛看的漫畫，已出到第7期，今個月底出第8期就是大結局了。未睇之前對日本戰國時代的了解就亂到唔知邊個打邊個，而家從漫畫而了解，簡單易明左好多，尤其喜歡織田信長的「人間五十年，如夢幻.....」。 除了睇書，都有攪一攪關於第九次聚會的事，大家如有意見，又或者想參加，留意喇！而遊記亦寫到第5日，2星期完成5日，算有點交待吧！
大雄 |
|
|
唏~開工喇！
剛好一年了，一年前的今天，正身處大阪，12天的日本之旅正式啟動。想當日，我和貓骨二人出發，同日亦係勞大少和阿威的60天日本貧乏之旅的出發日。 一年之後，剛好趕及遊記出爐，雖然唔係全部完成，但早前趁公司清閒，正處於養兵千日之時，我無偷懶架，一於拿起每次日遊記錄低行程和開支的簿仔出來，將當日手寫的記錄數碼化，即是通通入機，方便整成網頁。所以，2003年西本州北九州之旅和2004年的北海道蜜月之旅的遊記內容已大致全部完成，只欠後期製作，即製成網頁，補充資料就可以上網分享給各位了，請耐心等待。 剛過去的中秋加國慶假期，有邊位趁假期有外遊呢？也快弄個遊記吧！今日隔離台的爆石人與友人L君+瑪姬及勒死你的爆石人軍團正身處歐羅巴洲，請各位每餐大魚大肉之前，花數秒用心意向西方發出如此訊息：「我地食野喇，你地慢慢捱貴野喇！哈..哈..哈..」正如國慶當晚BBQ聚會，諸位友好在享用燒雞翼前，都眾志一心將美味的燒雞翼以精神將那一份美味傳送到在遠方的爆石人軍團四人眾，希望佢地會記得給我們每人一份手信以作報答！
BBQ當日，除以上事件外，當場亦有人重提攪聚會事宜。既然難得的遊記都開工寫了，一於開埋工攪聚會。現向各位發出咨詢，有關聚會日期、建議地點、聚會活動等提出意見。暫時個人建議10月底11月初的一個星期六或日舉行，時間希望繼續保持4-8小時。請有興趣參予籌備或參加聚會的網友從速發表意見。
大雄 |
|
|
中秋吃個飽
想中秋，從前住大坑，最熱鬧係舞火龍，後來搬左屋，都只係返過去睇過幾次。但近年已變成一個表演節目多過傳統活動，失色不少。今天看新聞，與大坑近在咫尺的維園，今年連在草地點紙燈籠都會比食環署勸你整熄佢，免得歡愉過後，草地再次遍體鱗傷。但玩膠燈籠又沒味兒，真係幾無癮！ 活動咁多限制，唯食就無咩限制。月餅款式多到係個樣仲係月餅樣，由皮以至餡完全唔係一回事都仲叫做月餅，仲賣到貴一貴，而生果就楊桃、沙田柚依舊。 但記得童年的中秋最愛是吃豬籠餅。從前的是豬形狀的餅裝在一個膠做的籠，外面有很多膠的花花；現在還有，但有餅店用類似竹籐之類，弄得像個真豬籠。說到豬籠餅，有何典故真的不知道，反正有得吃有得玩又可以擺設一下，一物多用，比出奇蛋更加好玩好食。小時玩煮飯仔，拿個豬籠餅黎切，要買豬手嗎？左脾定右脾，買唔買個尾同pat pat，買唔買豬頭o者，如是者玩一輪，切切切，食食食，一個豬籠餅就滿足左食共玩的樂趣了，經濟抵玩！ 今年中秋，因要買個潮州月餅去送禮，於是去了九龍城貴x那間和x隆，在餅店見到有一盒兩隻的"發財金豬"，雖名稱不同，外型卻和豬籠餅的那隻豬沒兩樣。反正新婚數月，與其買兩個豬籠，還是買個發財無咁大吉利是點！ 上星期去了個貓骨的舊同學家看新生的baby，近幾個月看了很多個小baby和大baby，還有幾個未去探，但而家年紀大記性差，一時間要記好多個baby名，真係幾大鑊。唯有當住人家父母再三問下你個仔/女咩名話？而家數多次先，jessie、子穎、石仔、熙明、梓縉、新源、怡峰、怡雅、思琳、雅淳......咪住、咪住，邊個係邊個個baby話？
大雄 |
|
|
繼續微笑
一直以來，我覺得在繁忙的工作以後，揹上個相機，頭岳岳四圍行，四圍影相，就已經是一個最經濟的旅行，而不一定需要買張機票，坐上飛機去到外地才算作是旅行了一次。 這次的行程，先沿通往半山的電梯經過蘇豪區抵達堅道，前往醫學博物館(剛巧館外有皆大歡笑拍外景，o依嘩鬼叫，破壞了參觀博物館的氣氛)，之後沿樓梯街而下文武廟，再轉入摩囉街。在西港城轉了一圈，再上到大道中經過陳意齋，再上炮台里路過終審法院、大教堂和政府總部背面，經過長江花園轉到纜車站。乘纜車(都係第一次坐咋！)到山頂，待過黃昏後，再乘巴士回中環，乘上天星小輪到尖沙咀，下船後正好八點鐘對岸來個燈光匯演。看過後，去吃晚飯也不忘來個旅行必做，影低食咩，八小時過去，坐地鐵返屋企，好一個週末香港遊。 講左一大輪，又講返最近(或者應該講呢個月，因為成個月無update)有咩發生。912齊投票，你地有又有去投嗎？我就投了馮檢基一票。最衰就唔係在選新界東選區，唔係我一定會投長毛一票，好在他亦當選，亦原來他是早我十五年畢業的中學校友。這次中學母校又添了個顯貴議員校友，利害呢！ 最近在空閒時就寫寫2003年10月和今年5、6月的兩次日本之旅的遊記，文字內容已經完成了約80%，正打算全部內文完成後，兩個遊記一并分段推出。各位 拭目以待啦！
大雄 |
|
|
長大
這是多些年來我所見到最大比例的大雄(除了甚麼節目或舞台劇那個人咁高的)，當然二話不說就拿出兩百幾銀帶呢個大雄返屋企喇！好開心，真的好開心，哈哈、哈哈哈、哈..... 於是在收藏櫃中找出了幾個大大小小的大雄，來一個大合照。而家高矮肥瘦好多款都有，有識郁的，又有唔識郁的，最正就係越出越似足動漫畫入面的大雄，正呀！ 友台萊遊日本的話事人，早前失意了富士登山之旅，但唔好氣餒，正如你話呀邊個話「在晴朗天，再出發」，皆因「天地有正氣」嘛！剛出版最新一期的Japan Monthly 002就有佢03年的遊記躍於書上，請大家多多捧場！當然，除了捧阿萊場外，JM都要多多捧場喇！ 講開睇"嬴"，最後在睇的末代皇弟溥傑傳只欠4、50頁就完成(全書500幾頁)，正在苦惱睇完呢本後搵咩書睇，事關每日返工放工悶在地鐵，最好做的就係睇書喇！係書店見到有溥傑的日本太太嵯峨浩的「流浪王妃」的中譯本，但封面正好用了早前電視那齣日劇的竹野內豐和常盤貴子放在封面，真係想買返本黎睇睇。 另外，早前見鄰座的同事正在整理她老闆的一疊六、七十年代的files，每個file的客人，今日都幾廿歲囉！見到佢地影落的身份證，真係令人懷念。當時隨口講整返本講身份證的書，呢d files的確係幾好的材料呢！點知係書局，既然見到本叫做「香港身份證透視」，唔係呀話，隨口都中，六合彩又唔見到我中o既！
大雄 |
|
|
存在至告終
今天外出逛街，難得經過一個書報店(因設在商場內，已不算是攤了)，於是細心看看有沒近期漏買的雜誌和漫畫，竟發現出版很多年的J-Point雜誌在上月底出版了最終號，維持了七年共166期，到了今天因為媒體的轉變和影響，七年雜誌就此告終。 自己不是它的忠實讀者，亦從沒有買過過去的165期任何一期，但它畢竟是過去數年在香港最有聲色的日本藝能雜誌，真的很可惜。 不記得是否在從前的大雄的話提過，日本文化在過去數十年對香港的影響，不是在說政治的層面，而是民間文化的交流。七、八十及九十年代的日劇、特攝片、動畫、模型，以至藝能界偶像、歌曲等，經歷多次高潮低潮，始終沒有改變它對香港文化的推移的影響，一直存在著密切的關係。 在過去，對我而言，當年的海豹叢書、漫畫週刊、A-Club，都是我愛看的漫畫、雜誌。由第一期至最終號，全都看了，還留著的，不是完整，但亦保存了不少。文化、歷史總要每天在推演，但過去始終活在當代人的記憶中。所以，近來最賣錢的玩具精品，都是衝著現在荷包最花得起的三、四十代，復刻版、重新推出又或十年廿年前的倉底貨一浪一浪而來。不知你又買了甚麼樣的商品回家？ 過去一星期，因某原因負起了應對任客戶的工作，那個大機構的某部門，煩人多的是，共同點是受那個頭頭，他的下屬每次打來都說是『老闆話』、『梁生話』(那個梁生不是我，如是我，我願改姓"闔"，只願他跟我改姓)，還要因一小事而不停打電話來，根本手頭上工作未完成又打來，那何來時間趕他們要求趕的東西？仲有已應承當年夜晚趕起給他們，仲要催著第二天早上幾點幾點又要做成點！五點半後不聽煩人的電話，就立即衝著來打給大老闆，弄得要負責的老闆眉頭大縐。還弄得負責的老闆吐了句「妖，佢催我做野喎！」家家有求，呢個客認真唔多得，唔係經濟不好，這個客真的幫不得過。唔知baby會唔會炒左呢班人呢？
大雄 |
|
|
生活平淡？
有網友說我生活平淡，但又唔係呀！早前看無記打散成幾集的「溥傑與皇妃」(原名：流轉之王妃 最後之皇弟)看得要追看個結局，甚至買左本有五百幾頁由祖國的作者寫的溥傑傳，一於歷史兩面睇。 同一時間，我聽了廿幾年的「天地有正氣」電台又逢多事之"夏"，每日睇下方向報同蘋果報，又係一事兩面睇，真係唔平淡架！ 至於近月的養花弄魚，已經沖左出大海再次輪迴的黑摩利，遺下20多條(分兩次)的小魚，仍在健康生長，最新數字係仲有21條小魚。而隨新魚缸一起買的琵琶魚，則快高長大，都唔知點算好呢！而花呢，薰衣草生到似有機豆苗，一d都唔知似見過的薰衣草筆直的樣子，但又健康生長，唯有放長雙眼睇睇。鈴蘭呢，兩株花已謝了成為乾花，但前陣子又長出生長緩慢的新芽，正積極培養中。 7月27日那天，中學同學陳斌的囝囝小ban出世了，過了幾天，第一次到日本之旅的同伴阿樂的baby亦順產面世了！恭喜哂喇！
上星期日到了葵涌廣場逛，很久沒逛了，玩具店多了很多，雖只是小型的，但很久沒行，於是都幫趁了點。不過，事後發現一定要行哂再決定邊間買，因為價錢一間比一間低。例如買了一套六個的HARO
pin(原物應該在松戶的Bandai Museum出售的)，在第一 昨晚到了太子聯合見到新一期的叮噹雜誌(第12期)，由於封面太吸引了，於是十算有多都即刻買了。當然，這個封面就是大雄了！原來大雄剛好在8月7日生日，"餓咩爹多"呢！最有趣的可算是附錄的野比流家傳扭花繩秘笈，勁呀！月底將會有個由Medicom出的大雄膠公仔，要破財了，大家見到邊到有得賣請通知聲！
大雄 |
|
|
養魚 大家如果記得話， 我早前咪種左薰衣草和玲蘭，而家兩棵植物，前者繼續唔知點咁成長緊(好慢)，後者花已謝，但竟然有新的芽長出(但又係生得慢)。但係種花期間，又學人走埋去養魚添 喎！
這幾天我病了，醫生說是流感，很可憐，因為喉嚨很不舒服。我想本來病情原是不大壞的， 當發覺有唔妥的第二天便立即幫襯了新居樓下的某某醫務中心(而家新屋苑最興呢類診所)，點知d藥無料到，攪到越病越衰，卒之轉左醫生又放左日病假係屋企休息下，總算好左d喇！新聞說流感高峰期呀，大家小心喇！另外，醫生說每年八月中都會係新一年流感預防針推出的日期，大家記得去打返針喇！ 今天是書展的開始，友好何老闆的灣岸製作有多本新書推出，請多捧場。而雙M月刊，即是TM和JM，會有一連串的活動，請大家捧場之餘亦多留意活動的舉辦詳情，多多參與喇！
大雄 |
|
|
輪住黎結
這次是輪到當日的伴郎，中學同學Steven註冊的日子。真巧，今天又是一個下雨天，還好有點時間沒有雨，總算能拍點戶外照。 當日一班中學同學又再次聚首。近一年來，連埋自己，計落這次已是第四次同學的婚禮了，也許大家都年紀不小了吧！那幾位未有拍拖、未有結婚計劃的同學，出多點力吧！年紀大喇喂~~ 除了結婚，本年度已有兩個同學的baby出世了，下一個亦預計在今月出世，小Ban，等緊你帶我去威架！
大雄 |
|
前幾日收工，由最近公司的香港站C出口入閘，驚見有個幾米高的叮噹坐左係度，為的是宣傳剛於噚日發售的紀念車費，都係第一次見咁大的叮噹，如果有咁大隻的大雄就好囉！(好在我每日都隨身有相機，唔係走寶影唔到)。
因為比預期少野睇，離開時選了坐天星小輪去尖沙咀，今次坐船，又再次狂影我覺得好有趣的那個！那個就係天星小輪上的煙囪，睇落似個頭，有平頭裝髮型，有對星星眼睛，喇叭樣的耳仔，亦有個微笑的一線咀，睇落好開心架！
上月底剛剛追看了漫畫「信長」的最後一期(池上遼一畫/1-8集/玉皇朝)，對日本戰國時代突然很有興趣。於是再執一下書架，早前在2002年亦看過一套關於織田信長的漫畫「瀛男」(椎名高志畫/1-8集/文化傳信)。前者的畫風因池上遼一的關係，很男子氣慨，很英雄感；而後者就是天馬行空，爆笑為目的，而且主角亦很大程度是落在藤吉郎(即後來的豐臣秀吉)。
近日的金枝慾孽效應，攪到BBQ當晚眾人都不值果個「人在做，天在看，雞仔餅在地」的中國藉男子，令到受害人當日少了一塊辛苦得來的雞仔餅。上圖為當晚令珍貴的雞仔餅飽受火燒與墮地之苦而未能完成使命整塊給愛餅之人品嘗的該名中國藉男子(旁為目睹案發經過的勞大少)。
婚後差不多四個月以來，貓骨一直在上朝九晚五的班，但由星期一起，就要回歸病房輪班工作，於是趁了個星期六，再次頸上掛上數碼相機，中午放工後二人來了個八小時的香港遊。
今日下午因為有家居潮流博覽的贈券，於是到了灣仔。到會展前剛好有時間，於是一個閃身去了玩具街睇睇有咩好野！嘩！不得了，8月31日發售的1/6大雄膠公仔已有有貨先行到港了！
正式搬到荔枝角區已二個多月，由於本身是個工廠區，一些從前在別區住時必有的店舖，例如書報攤、影碟店、街市，都座落在不很近的距離。
間店30幾蚊買，之後有間只賣30蚊。曾在鑽石山的商場見到HARO儲物箱新低價100零幾蚊，係呢度第一間見到99蚊，點知轉個彎有間98蚊，於是又買了。
婚後的44天，再次來到沙田婚姻登記處，當然，不是來娶個二奶喇！